Matoub Lounès – Lghella n trad

Lire cette vidéo sur YouTube.
En choisissant de visionner cette vidéo, vous acceptez les conditions d'utilisation et la politique de confidentialité de YouTube. Pour plus d'informations sur la façon dont YouTube collecte et utilise les données, veuillez consulter la politique de confidentialité de YouTube. Cette clause de non-responsabilité s'applique à toutes les vidéos embarquées sur ce site web.

A yettseggix wul-iw

A ijeffel ɣef win i t-yeğğan

D wagi i d ẓẓher-iw

Ad ğğleɣ ur d-yebbwiḍ lawan

A gma ur k-ttayseɣ

Xas zewğeɣ

A k-id-ttaddren wuḍan

Muḥal a t-ḥemmleɣ

Akken i k-ḥemmleɣ

Di sin i ɣ-cerḍen wussan

Uden-ik muḥal a gma ad yesfeḍ

Xas zzman agi ad i-yeṛkeḍ

Ḥṣu ur d ttaddreɣ wayeḍ

Siwa s tmara

Xas ger wallen-iw assa tɣabeḍ

Deg wul-iw mazal-ik teddreḍ

Ayen yakw i diyi-d-txulfeḍ

Ur s-zmireɣ ara

Yiss-ek i zehhuɣ

Assa ttruɣ

Allen-iw ur nneḥtament ara

Akka ara ttṛağuɣ

Melmi ara n-rnuɣ

An-nemyekkes lweḥc uẓekka

Ṭṭṣen waman d yesɣaren

Ggummant ad medlent wallen

Yir ussan i yi-d-yemmalen

Ur sen-zmireɣ ara

Tasa-w tebḍa akw d icriḥen

A neffqent seg-s lemḥayen

Ulac tin i tt-izelgen

A tneggi tekfa

At-tεeddint leεyub

Ul-iw yeffud

Ṣṣber fell-i ur d-isteqsa

A Ṛebbi lmeεbud

Rnu-d ṛṛεud

D wayen akw yeɣlebn aya