Tadiwennit d Chabha Ben Gana ghef ungal-is amaynut

Tadiwennit d Chabha Ben Gana ghef ungal-is amaynut

Chabha Ben Gana

Kabyle.com: Azul a massa,Ussan-a i d-tessufɣeḍ ar tezrigin "IMRU" yiwen n wungal. Γef wacu i d-yettmeslay?

Chabha BEN GANA: Taqsiḍt mačči ɣef yiwen n uwudam i tebna, mačči yiwet n teqsḍt i yettezzin, maca εerḍeɣ ad tent-cuddeɣ ad tent-sdukleɣ di yiwet n teqsiḍt ɣezzifen. Ɛeddeɣ-d si tmetti taqburt ar tmetti ideg-i nettidir tura; si taqsiḍt n Muḥend Arezqi d gma-s Ɛmer ɣer teqsiḍt n sin yilmezyen :Asirem d Tlelli. Meslayeɣ-d ɣef kra n tlufa i bnettidir tura ama ɣef tamuɣli n tmetti ɣer tmeṭṭut tilellit , d tmuɣli n tmeṭṭut ɣer tlelli.
 

Aniwi id imyura i tḥemleḍ?

Ddeqs n yimura ama d wid yettarun s-tefransist ama d wid yettarun s teqbaylit. Ungal amenzu i yi-skecmen ɣer wennar n tɣuri ɣer wennar n tsekla d mmi-s n ugellil n MUlud Ferεn. Llan yimura nniḍen am Tawes Ɛmruc, albert camus, Yasmina Xedra... ma yella s teqbaylit d Ɛmer Mezdad d wid yuran di tallit-nni n 80/90 ar 2000 am Racid Ɛellic, Salem zinya. Si 2000 ar tura tella lynda kudac, Ḥusin luni, Murad Irnaten....

Kemm gar sin yimennuɣen : winn n tmeṭṭut mgal timetti d win n meɣnast yettarun s tutlayt taqbaylit. Dacu ad tiniḍ ɣaf aya?

ɣef wakken ttwaliɣ tura amennuɣ n tmettut ibeddel ma yella zik teqqar " fket-iyi izarfan-iw, fket-iyi tilelli" tura teqqim kan acu n wudem ara d-tefk i tlelli-agi, anda tezmer, d wacu-tezmer ad taweḍ s yizarfan-agi, anda tewweḍ d wacu iwumi tessaweḍ tmettut taqbaylit n tura.

Ula d amennuɣ n tmaziɣt ibeddel naɣ yewwi abrid nniḍen. Tura tamaziɣt nnaɣ, tekcem ɣer yiɣarbazen d tesdawiyin, tuɣal d tunsibt, d lawan ad nbegges ad nuɣal ɣer umennuɣ s wudem nniḍen s umennuɣ n tira d tikta, d leqdic ara tt-yesselḥun ɣer sdat.

Ula d tilawin ttarunt ɣef temsal nniḍen, macci imi d tameṭṭut kan ilaq ad taru ɣef tmeṭṭut.

Dacu id isefaṛen-inem ar sdat?

Sεiɣ amud n yisefra ara d yefɣen ɣer sdat, d wungal wis sin i bdiɣ yakan s tira.

Awal n taggara. amek tettwaliḍ taskla taqbaylit ?

Ttwaliɣ, tetteddu ɣer sdat, ddeqs n wungalen d tullisin i d-yefɣen deg yiseggasen-agi ineggura zaden.

Ula d tamedyazt, atas n yimedyazen i yuklanen ad twasnen, ttarun akken iwata, Yerna wiin amaynut ama di tameghrut ama deg yisental.

Tadiwennit sɣuṛ: AMAR BENHAMOUCHE

French